53.000 sarrera ditu 2019-01-03

'Atzekoz aurrera' hiztegi errimatuaren aplikazioa egin du UZEIk

UZEIk Atzekoz aurrera hiztegi alderantzikatuaren garapenean beste urrats bat egin du: mugikorretarako aplikazioa, Androiderako, Google Playtik deskarga daitekena.

Duela hamalau urte osatu zuen Atzekoz aurrera hiztegia UZEIk, hiztegi errimatua, bertsozaleei begira. Eskari horri jarraiki, proiektua osatzen eta euskarri berrietan eskura jarri izan du geroztik. Iazko otsailean sarean jarri zuen erakundearen webgunean. Eta orain mugikorretarako app-a etorri da.

53.000 sarrerak
Atzekoz aurrera aplikazioak 53.000 sarreratik gora biltzen ditu. Sarrera gehienak lexiko orokorrekoak dira, baina, haiekin batera, eguneroko jardunean gehien erabiltzen diren terminoak ere bildu dituzte. "Bertsogintzan trebatzen ari direnen berehalako beharrei modu errazagoan erantzutea" du helburu aplikazio berriak, eta, haren erabilera bultzatzeko, UZEI elkarlanean arituko da Bertsozale Elkartearekin. Horretaz gainera, Jaurlaritzaren laguntza ere izan du proiektuak.