altxa kopla hori 2019-06-06

Altxa Kopla Hori! Izarrara iritsiko da ostiralean

Arabako Bertsozale Elkarteak martxan jarritako egitasmoak Araba kopla musikatuz bete du.

Orain bi urteko udaberriko planari jarraituz, aurtengoan ere kopla doinutan eta musikarien laguntzarekin kantaturiko bertso saio musikatuak antolatu ditu Arabako Bertsozale Elkarteak, Altxa Kopla Hori! izenburupean.

Dagoeneko egin dira antolatutako lau saioetatik bi: Laudiokoa eta Kanpezukoa. Izarran izango da hurrengo saioa, ekainaren 7an, ostirala, 20:30ean herriko plazan.

Bertsolari hauek arituko dira kantuan: Andere Arriolabengoa, Manu Bendala, Izar Mendiguren eta Xabi Rico. Lierni Altuna izango da gai jartzailea.

Aurtengo Altxa Kopla Hori! ekainaren 14an amaituko da, Oionen egingo den saioan.