Gipuzkoako Bertsolari Txapelketa 2019-12-02

Gipuzkoan final parekidea lehen aldiz

Gipuzkoako Bertsolari Txapelketak historian lehen aldiz lau gizonezko eta lau emakumezko izango ditu finalean, abenduaren 14an Illunben. Saio irabazita sartu dira Beñat Gaztelumendi, Agin Laburu eta Jon Maia. Puntuazioz, Alaia Martin, Ane Labaka, Oihana Iguaran, Beñat Lizaso eta Nerea Elustondo. 2003an lehen aldiz sartu ziren bi emakumezko finalean, Maialen Lujanbio eta Amaia Agirre. Lujanbiok irabazi zuen txapela.

Finalean, 15 bertso puntuagarri eta buruz buruzkoa

Finalak ohiko eskema izango du. Zortzi bertsolariek 15 bertso kantatuko eta buruz burukora sailkatzen direnak beste hiru ariketa egingo dituzte.

    Binaka, gaia emanda, zortziko handian hiruna bertso.
    Binaka, gaia emanda, zortziko txikian hiruna bertso.
    Bakarka, lehen puntua emanda, zortziko txikian, hiruna bertso.
    Binaka, gaia emanda, hamarreko txikian, hiruna bertso.
    Bakarka, gaia emanda, nahi den doinu eta neurrian, hiruna bertso.

 Buruz burukoa

    Binaka, gaia emanda, sei puntuko motzean hiruna bertso.
    Binaka, gaia emanda, zortziko txikian puntutan, zortzi bertso osatu arte.
    Kartzelako lana: bakarka, gaia emanda, nahi den doinu eta neurrian, hiruna bertso.

www.bertsosarrerak.eus

Finalerako sarrerak eskuragarri daude www.bertsosarrerak.eus gunean.