Arabako Bertso Kuadrilla arteko txapelketa 2020-01-21

Badator Arabako Bertso Kuadrilla artekoa

Taldeetako ordezkariek eta Arabako Bertsozale Elkarteak Aramaion aurkeztu dute 2020ko Arabako Bertso Kuadrilla arteko txapelketa. Guztira 280 parte hartzailetik gora izango dira.

Banakakoaren ondoren, taldekakoa

2019an banakako txapelketa jokatu ondoren aurten taldekakoa jokatuta da Araban. 2010. urtean izan zen lehen taldekakoa eta ordutik bi urtetik behin ospatzen da Arabako Bertso Kuadrilla artekoa. Aurtengoa seigarren edizioa izango da.

Arabako bertsolaritzak urteetan eraikitzen joan den mugimendua saretu eta indartzea dira ekimenaren helburuak.

280 parte hartzailetik gora, 12 taldetan banaturik

Txapelketan 12 taldek parte hartuko dute. Talde bakoitza 3-6 bertsolarik, gai-jartzaileak, epaileak, argazkilariak, grabatzaileak eta sukaldariak osatuko dute.  Taldeak beraien herrian edo eskualdean saioak antolatzeaz arduratuko dira. Eskualde hauek parte hartuko dute: Aiaraldea, Mendialdea, Lautada, Gorbeialdea eta Gasteiz.

Idatzizko modalitatea ere antolatu da, lehia formatuan eta guztira 16 taldek hartuko dute parte. Bat-batekoa eta idatzizkoa kontuan hartuta, guztira, 280 parte-hartzaile ariko dira egiteko ezberdinak burutzen 2020ko Arabako Bertso Kuadrilla Artekoan.

Entzun Uxue Diaz de Cerio, Arabako Bertsozale Elkarteko ordezkariak, Aroa Arrizubieta, "Bazaar Xanmapelezuin" taldekideak eta Jon Ruiz de Pinedo Bertsolarriak taldekoak 2020ko Arabako Bertso Kuadrilla Artekoari buruz esandakoak.

Kanporaketak (12 saio)

Urtarrilak 24, 25: hiru saio; Laudio, Gasteiz eta Aramaio

Otsailak 1: bi saio; Gasteiz eta Zalduondo

Otsaila 7, 8: lau saio; Mendiola, Gasteizen hiru

Otsailak 14, 15: 3 saio; Agurain, Murgia, Aramaio

Finalaurrekoak (3 saio)

Otsailak 29, larunbata, 1.finalaurrekoa: Aguraingo Zabalarten

Martxoak 7, larunbata, 2.finalaurrekoa: Aramaioko Sastiñan

Martxoak 14, larunbata, 3.finalaurrekoa: Amurrioko Kultur Etxean

Finala

Martxoak 28, Murgiako Palatu kirol eremuan

Albiste gehiago

POTOKASTAK - BERTSO UHINAK 2020-06-29

"Eta zergatik bertsoa?"

POTOKASTAK - BERTSO UHINAK 2020-06-15

Gasteizko teilatu gainean etzanda

POTOKASTAK - BERTSO UHINAK 2020-06-07

Uhinak azulejo txurietan

POTOKASTAK - BERTSO UHINAK 2020-06-01

Nolako zapatillak erabiltzen dituzu etxean egoteko?

POTOKASTAK - BERTSO UHINAK 2020-05-18

"Aspaldi da gutunik bidaltzen ez dugula"