Plazara itzulera 2020-06-01

Bertso jaialdia plazan Amasa-Villabonan ostiralean

Bertso jaialdia plazan Amasa-Villabonan ostiralean
Segurtasun berme guztiak zorrotz zainduta Amets Arzallus, Haritz Mujika, Maialen Lujanbio eta Miren Artetxe ariko dira bertsotan eta Imanol Artola gai jartzen. Bertsozale Elkarteak eta Lankuk antolatu dute saioa.

Bertsoa hasi da ttanttaka plazara itzultzen eta ostiral honetan beste urrats bat emango du Amasa-Villabonan Bertsozale Elkartearen eta Lankuren eskutik. Segurtasun berme guztiak zorrotz zainduta Amets Arzallus, Haritz Mujika, Maialen Lujanbio eta Miren Artetxe ariko dira bertsotan, eta Imanol Artola gai jartzen.

Laurogei bertsozale izango dute tokia. elkarren arteko bi metroko tartearekin. Bertsoa.eus-ek sarean jarriko saioa. Kopuruak zaintzeko ezinbestekoa izango da aurretik izena ematea; gehienez, bi gonbidapen eskuratu ahal izango dira. 

Ateri bada, Bertsozale Elkartearen egoitza ondoko plazan egingo da saioa, Gudari plazan, Subijana Etxeraren atzeko partean. Bestela, Zubimuxu ikastolako aterpean, udan festetako saioa egiten den gune berean.


Maskara derrigorrezkoa
Bertsozale Elkarteak eta Lanku Kultur Zerbitzuek antolatu dute saioa, Villabonako Udalaren laguntzarekin. Saioa izango den eremura sartzeko eta ateratzeko maskara derrigorrezkoa izango da, eta sartzeko ordutegiak adieraziko dira gonbidapenetan, jende pilaketak ekiditeko. Behin eremura sartuta, eta lekuan eserita, maskara kendu ahal izango da, ikus-entzuleen arteko distantziak bermatuta. Esan gabe doa, une oro antolatzaileen argibideei kasu egin beharko zaiela.


Albiste gehiago

Nerea Bruño - Nafarroako bertsozale Elkateko lehendakaria 2025-09-08

«Nafarroako bertsolaritza goranzko joeran doa»

Larunbat gauean 21:00etan Mirari Martiarenak aurketuta 2025-09-02

Irailaren 13an hasiko da Hitzetik Hortzera

Datorren astean Bertsoa.eus-en 2025-07-16

Algortako Jaialdi Mundiala espazioan barrena

Unax Aizpurua Ibargarai - Euskal Herriko Eskolarteko txapelduna 2025-06-16

«Gaitzeko maila izan da eta denak biziki ongi aritu dira»