Arte Biurtekoa ospatzen ari dira bertan 2009-07-28

Ornitorrinkus Venezian izango da

 Arte Biurtekoa ospatzen ari dira Venezian. Nazioarteko arte garaikidearen topaketa garrantzitsua da, eta ekainetik azarora bitartean ospatuko da. Ospakizun honen inguruan gune periferiko bat da Kurdistan Planet. Kurdistani eskainitako gunea da. Hala ere, emanaldietan Kurdistanetik kanpoko ekimenek ere lekua izango dute. Hala, Euskal Herritik zenbait emanaldi eraman dituzte, Euskal Herrian eta Kurdistanen hizkuntzaren egoera parekatu daitezkeela usteta.

 Emanaldi horien artean Ornitorrinkus izango da gaur, iluntzeko 21:30etan. Bertsoa, musika garaikidea eta elektronika uztartzen ditu ikuskizun honek. Maialen Lujanbio aritzen da bertsotan, eta berarekin batera Judith Montero (saxofoia), Xabi Erkizia (elektronika), Ibai Gogortza (argiak) eta Iñigo Telletxea (soinua) jardungo dira. Informazio gehiago nahi izanez gero egin klik hemen.

 Maialen Lujanbiok Veneziara egindako bidaiari buruz idatzi du gaurko Berrian. Bertan zertarako deitu dieten eta iritsi berritan dauzkan sentsazioak agertzen ditu.

• 
•