Osinalde saria 2021-03-18

Osinalde saria, afalostekoetatik aretoetara aurten

Ohitura den bezala 3 sariketa jokatuko dira eta horietan erabakiko da Osinalde sariko, finaleko, seikotea. Aurten ordea, forma aldetik aldaketa batzuk egin behar izan dituzte antolatzaileek. Elkarteak itxita daude, afaririk ezin da antolatu eta aforo mugatuak kontuan hartuta, lehengo formatuarekin jarraitzea ezinezkoa zen eta horren ordez, aretoetan jokatuko dira sariketak.

Daten aldetik ere aldaketa nabariak egon dira eta hiru sailkapen saioak asteburu bakar batean jokatuko dira ostiral, larunbat eta igandean. Finala martxoaren 27an izango da. Saio guztiak 17.00etan hasiko dira.

Horrela osatu dira aurtengo saioak:

1- Ostiralean, Legazpin; XXI. Aztiri Saria

Asier Alcedo, Aroa Arrizubieta, Aissa Intxausti, Garazi Navarro Ugarteburu, Danel Olano eta Lurdes Ondaro

2- Larunbatean, Zaldibin; VIII. Osinberde saria

Xabat Illarregi, Paule Ixiar Loizaga, Gorka Pagonabarraga, Ane Peñagarikano, Lierni Rekondo, Ane Zuazubiskar Iñarra

3- Igandea, Ordizian; XXIII. Argi-Berri saria

Maddi Aiestaran, Ibai Amillategi, Oihana Arana, Lander Arizmendi, Unai Izagirre, Iker Ormazabal