KRONIKA 2021-05-27

Bertso saio baten inguruko intxaurrak

Imanol Epelde Pagola

Zarauzko Modelo Aretoan Gaur Edozertarako Libre izenburupean egin zen saioarekin agurtuko zen Gerturatu Eta Lau. Amaia Iturriotz, Oihana Bartra eta Xabat Galletebeitia aritu ziren kantuan.

Donostian, Bilbon eta Gasteizen izan ziren Gerturatu Eta Lauren aurreko saioak. Ohiko bertso saioaz harago, eta zalearen parte-hartzea bultzatuta, esperimentaziorako aukera ere eman nahi izan du ekimenak.