'Oholtzan' saioan 2021-09-01

'Bilintxen Menda' ikuskizuna, ETB1en

'Bilintxen Menda' ikuskizuna, ETB1en
Gaur gauean Bilintx bertsolari donostiarrari Donostiako Antzoki Zaharrean egin zioten omenaldia eskainiko du EiTBk, lehen kanalean eta internet bidez. Ilaski Serranok aurkeztuko du ikuskizuna.

Lankuk antolatuta eta Donostia kulturaren laguntzarekin, uztailaren 10ean egin zioten omenaldia Bilintxi haren jaiotzaren 190. urteurrena bete den honetan, bere bizitza eta pentsamendua oinarritzat hartuta. Kantuan Maddalen eta Amets Arzallus, eta Unai eta Eñaut Agirre bertsolariak aritu ziren, Joxan Goikoetxea eta Imanol Kamio musikarien laguntzaz. 

Besteak beste, kantaldian Bilintxen olerki ezagunenak eskainiko ditu oholtza gaineko seikoteak, tartean, "Behin batean Loiolan", "Loriak udan", "Pozez ta bildurrak", "Aspaldiyan Joxepa", "Agur adixkidia" edota "Zaldi zuriarenak".

Gaur gauean, 22:30ean, ETB1en eta eitb.eus-en, "Oholtzan: Bilintxen menda" kontzertua.

Albiste gehiago

POTOKASTAK - BERTSO UHINAK 2020-06-29

"Eta zergatik bertsoa?"

POTOKASTAK - BERTSO UHINAK 2020-06-15

Gasteizko teilatu gainean etzanda

POTOKASTAK - BERTSO UHINAK 2020-06-07

Uhinak azulejo txurietan