32. edizioa 2021-10-07

Urriaren 24an izango da Euskal Herriko Eskolartekoa Abadiñon

Urriaren 24an izango da Euskal Herriko Eskolartekoa Abadiñon
11:30ean izango da saioa herriko probalekuan eta sarrerak jada eskuragai daude www.bertsosarrerak.eus atarian.

Bertsozale Elkarteak iragarri zuen maiatzean aurtengo Euskal Herriko Eskolartekoa udazkenean izango zela eta zehaztu berri du hitzordua: urriaren 24an izango da, igandez, Abadiñon.

Ikastolen Elkarteak eta Bertsozale Elkarteak antolatuta, 11:30ean hasiko da saioa herriko probalekuan. Udaberrian eta udan lurraldeetako eskolartekoetan sailkatutako bertsolari gazteak elkartuko dira oholtzan, 11 guztira: Arabatik, Maddi Agirre Epelde eta Eukene de los Aires Amundarain; Bizkaitik, June Diaz Franco eta Janire Arrizabalaga Munduate; Gipuzkoatik, Ekain Tolaretxipi Errazti eta Naia Arrizabalaga Arrieta; Lapurditik, Haira Aizpurua Ibargarai eta Oneka Arteaga Olasagasti; Nafarroatik, Beñat Astiz Isasi eta Eki Mateorena Zozaia; eta Zuberoatik, Aetz Etxart Sarasola.

Emanaldirako sarrerak eskuragai daude www.bertsosarrerak.eus atarian.

Albiste gehiago

POTOKASTAK - BERTSO UHINAK 2020-06-29

"Eta zergatik bertsoa?"

POTOKASTAK - BERTSO UHINAK 2020-06-15

Gasteizko teilatu gainean etzanda

POTOKASTAK - BERTSO UHINAK 2020-06-07

Uhinak azulejo txurietan