Zuzeneko emankizuna 2021-11-11

XILABAko finala zuzenean

Donibane-Lohizuneko Jai Alaitik zuzenean emitituko da emankizuna arratsaldeko 16.55etatik aitzina. Ilaski Serranok aurkeztuko du emankizuna eta Nahia Sasco bertsolaria izango du ondoan, iritzi-emaile lanetan. Euskal Telebistak ere zuzenean eskainiko du haren laugarren katean, ETB4n, eta finalaren amaiera ETB1en.

Aurtengo finala

Sei bertsolari hauek lortu dute larunbatean Donibane Lohizuneko Jai Alai pilotalekuan jokatuko den finalean kantatzeko txartela: Amets Arzallus, Odei Barroso, Maddalen Arzallus, Miren Artetxe, Maddi Ane Txoperena eta Patxi Iriart. Aurkezle lanak Aritz Bidegainek eta Amaia Kastorenek egingo dituzte.