Data zehazteke 2021-12-22

2022ko Bertso Eguna, udaberrian

Bertsoak izango du bere eguna 2022an, baina ohi baino beranduago helduko dio ospakizunari. Bertsozale Elkarteak iragarri duenez, urtarrilean egin beharrean udaberrian izango da ibilbide luzea duen Bertso Eguna. Data oraindik zehazteko dago.

Plaza biziberritzeko ahaleginean hiru Bertso Egun antolatu zituen elkarteak 2021ean: Hazparnen, Iruñean eta Getarian. Unean uneko eta tokian tokiko egoera medio, ordea, azken biak egin ahal izan ziren.

2022ak ere izango du Bertso Egunik, beraz, baina udaberrira arte itxaron beharko dugu.