Gaur jokatu da Iurretan 2022-06-18

Irantzu Idoate Eskolarteko txapeldun

Unai Iturriagak jantzi dio txapela. Maddi Agirre gasteiztarrak egin du bigarren. Euskal Herri osoko 12 bertsolari gazte aritu dira kantuan eta 200 bertsozale bildu dira Kepa Arroitajauregi frontoian finala jarraitzeko.

34. Eskolarteko Bertsolari Txapelketako finala jokatu da gaur Iurretan, beroa ere protagonista zela. Zazpi herrialdeetako 12 bertsolari aritu dira kantuan eta Irantzu Idoate haspandarrak irabazi du txapela. Maddi Agirre gasteiztarra gelditu da bigarren. Irantzu Idoateri Unai Iturriaga bertsolari durangarrak jantzi dio txapela. Kepa Arroitajauregi frontoian jokatu da finala 11:30etan hasita eta 200 lagunen babesa izan dute bertsolari gazteek.

Finalean, honako hamabi bertsolari gazte hauek aritu dira kantuan: Aetz Etxart, Beñat Astiz, Daia Harluxet, Danel Herrarte, Eki Mateorena, Haira Aizpurua, Irantzu Idoate, Izaro Bilbao, Jon Mendiluze, June Aiestaran, June Diaz eta Maddi Agirre.



Bertsozale Elkarteak eta Ikastolen Elkarteak lankidetzan antolatzen dute Eskolarteko finala.




Bertsoak eta txapeldunaren hitzak Bertsoa.eus-en
Bertsoa.eus-ere Iurretan izan da gaur eta datorren astean txapeldunaren hitzak eta finaleko bertsoaldi onenak jarriko ditu sarean.



 

Albiste gehiago

Eli Pagola irabazle 'Hike Eizan' bertso paper sariketan 2022-07-01

'Tximista eta trumoia' ipuin bat bertsotan, noka

Urteroko jaialdia 2022-06-30

Barañaingo bertsoak sareko plazan

Bertsolari Bertsozale podcasta 2022-06-24

Irantzu Idoate Funosas, Bertsolari Bertsozale

Gontzal Agote - Bertsozale Elkarteko Lehendakaritza taldeko kidea 2022-06-23

«Txapelketak halako gogo eta ilusio berezia pizten du»