Aner Peritz Euzkitze - Elkarrizketa aurrerapena 2022-07-07
«Lanaren aitortza ez ezik, Basarri Saria herrikoa da eta alderdi hori ere gehitzen zaio pozari»
Aner Peritz Manterola Euzkitze bertsolari gaztea udaberri-uda emankorra izaten ari da. 20 urterekin, Basarri Saria irabazi du eta lau sariketetan aurren-bigarren ibili da, gehienentan bera baino koska bat zaharragoekin. Gaur kantatuko du sorta irabazlea Zarautzen. Bertsoak elkarrizketa egin dio zarauztarrari.
Gaur gauean aurkeztuko da Zarautzen Basarri Sariko Zopa hozten ari zaizu Aner Euzkitzeren lan saritua, bertso eskolak antolatzen duen bertso musikatuen emanaldiaren barruan. Euzkitzek berak kantatuko ditu bertsoak, musikaz lagunduta. Bertsoa.eus-ek bihar argitaratuko du sorta eta baita Peritz Manterolari egindako elkarrizketa zabala ere. Basarri Sariaren nondik norako xehetua ez ezik, bertso jarriak idazteko ohiturak Euzkitzeren bat-bateko bertso lanketan izan duen eragina eta bere plazako sentsazioak utzi dizkigu bertsolari gazteak sareko plazan.
Albiste gehiago
Larunbatean 21:00etan ETB1en 2025-03-20
Donostiako Intxaurrondo eta Mendaroko bertsoak Hitzetik Hortzeran, Marisa Barrena wikilari bertsozalearekin
Martxoak 8 - Emakumearen Nazioarteko Eguna 2025-03-05
