Igandean, 15:00etan, ETB1en 2022-09-16

Txapelketa Nagusiko xehetasunak eta Bermeo eta Donostiako bertsoak lehen programan

Txapelketa Nagusiko xehetasunak eta Bermeo eta Donostiako bertsoak lehen programan
Oier Iurramendi txapelketako Talde Antolatzaileko kidearen ahotik emango du Hitzetik Hortzerak Txapelketa Nagusiaren berri. Programako atal berriak ere aurkeztuko dituzte igandean, 15:00etan, ETB1en.

Bertsolari Txapelketa Nagusiaren aurkezpen ekitaldia egin berritan hasiko da Hitzetik Hortzera. Denboraldiko lehen programan txapelketako xehetasunak azalduko ditu, ditugu Oier Iurramendiren ahotik; txapelketako Talde Antolatzaileko kidea da bera. Amasa-Villabonako Subijana etxean elkartu da Hitzetik Hortzera berarekin, eta elkartean txapelketa hasi aurretiko azken uneak nolakoak diren kontatuko du.

Txapelketaren aurkezpen ekitaldiko irudi esanguratsuenak ekarriko dira pantailara, eta baita protagonisten hitzak ere. Ekitaldian aurkeztu da 2022ko Bertsolari Txapelketa Nagusirako Nerea Erbiti musikariak sortu duen sintonia; igandeko programan eskainiko da.

Txapelketaz harago, Bermeoko eta Donostiako jaialdietako bertsoak ere izango dira igandeko Hitzetik Hortzeran.

Udazkenean programa eraberritua
Irailaren 18an hasi eta abendura bitarte, atal berriak izango ditu saioak: txapelketako saioetako irudi esanguratsuekin osaturiko bideo laburpena, Idoia Torregarai umoregilea protagonista izango duen eta umorea eta iritzia batuko dituen Komunean atala, txapelketari buruz txapelketatik kanpo dauden bertsolarien iritziak, bertsoaldi historikoak eta astez aste txapelketako saioetako irabazleen adierazpenak. Guztia Eider Perez aurkezleak gidatuta.

Hastera doa: Hitzetik Hortzera, igandero, 15:00etan, ETB1en eta nahieran eitb.eus atarian.

Albiste gehiago

Miren Artetxe - Saio ondorengo balorazioa 2022-10-03

«Tope motibatuta etorri naiz baina burrukan ibili nazi»

Iban Urdangarin - Saio ondorengo balorazioa 2022-10-03

«Jendea zutik jartzeak bete nau»

Amaia Iturriotz - saio ondorengo balorazioa 2022-10-03

«Hasieran gaietan kokatu ezinik ibili naiz, gero gusturago»

Xabat Galletebeitia - saio ondorengo balorazioa 2022-10-03

«Ganbarako lanagaz gelditzen naiz»

Manex Agirre - Saio ondorengo balorazioa 2022-10-03

«Ez dut asmatu»

Txapelketa Nagusia 2022-10-03

Haritz Mujikaren ganbarako lana Gasteizen