None 2022-10-26
Hilabete eskasean aldatu da zerbait Joanes Illarregiren bertsolari posizioa, bai behintzat bertsozale askoren begietara. Irailaren 25ean bere lehen Txapelketa Nagusian paper on bat egin zezakeen bertsolari gaztea zen. Urriaren 22 arratsaldean, bertsozale eta txapelketazale askoren ahotan finalerako hautagaien artean zebilena. Elizondoko finalaurrekoan 711 puntu atera zituen illarregi anaietan zaharrenak, Alaia Martinen atzetik bigarren eginda (729,5). Hiru bertsoaldi puntuatuenetatik bitan bera dago tartean eta txalometroa lehertzeko zorian jartzea ere lortu zuen zenbait alditan.
Finalarena jende askok aipatu diola adierazi dio Bertsoari, baina hankak lurrean nahi ditu. Azken bi Txapelketa Nagusietan, lehen itzulian 700 puntutik gora lortu zituztenak gero finalean sartu ziren. 2022an, ordea, beste finalaurrekoetako erreferentziarik ezean, ezin jakin 711 puntu benetan zenbat diren eta horrek oraindik eta zuhurtzia handiagoz jokatzera darama Joanes. Lanean jarraitu eta bigarren itzulira ere bertsotarako aldarte eta kontzentrazio onez joateko prestaketan bildu nahi ditu indarrak.
Arrasaten saioari eusten somatu zuen bere burua. Elizondon, loturetatik askatu eta gozatzen. Lorpen handitzat du hori leitzarrak, «bertsolaritza ulertzeko dudan begiratik» eta pozetik bizi du hori. Txapelketan zituen helburuak beteta, datorrena opari gisa hartuko duela dio. Entzun Bertsoa.eus-i eskainitako elkarrizketa.
Anonyme Popularren agurreko kontzertuak maiatzean eta ekainean 2024-04-18
Maddi Aiestaran Iparragirre - Osinalde Sariko balorazioa 2024-04-08
Jone Larrinaga Dañobeitia - Bertsolari Bertsozale Podkasta 2024-03-28
Mikel Artola Izagirre - Gipuzkoako Bertsozale Elkarteko koordinatzailea 2024-03-26
Juanjo Uria Zubiarrain - Bertsolari bertsozale podkasta 2024-03-15