Alaia Martin - Elkarrizketa 2022-10-24
Alaia Martinek Txapelketa Nagusiko finalean sartzeko pauso oso handia eman du, Elizondoko finalaurrekoan 729,5 puntu eskuratuta. Lehen itzulian puntuazio hori lortuta bigarrenean finaletik kanpo gelditu denik ez dago txapelketako azken ediziotan. Elizondon ez ezik, Getxon ere erakutsi zuen sendotasunak ere bere alde egiten du. Baina oiartzuarrak badaki bigarren itzulian Amurrion ere bertsotan egin behar duela. Bere buruari finalaren aukera zabaldu izanak presioa baino patxada sortzen dio. Garbi esan du askotan amestu izan duela finalarekin eta esperientzia hori probatzeko gogo handiz dagoela.
Bere buruari motiboak ere eman dizkio amesteko. Duela 9 urte, 2013an, ate-ateraino iritsi zen, Txapelketa Nagusiko bere lehen parte hartzean. Aitor Sarriegi BEC-era azken txartela eskuratuta, Unai Agirre, puntuz berdinduta kanpora eta Alaia Martin gelditu zen ondoren. Finaletik bi postura, bere lehen Txapelketa Nagusian. Aldi hartaz oso oroitzapen gozoa du. Ez ordea, 2017koaz. Baigorrin bikain hasi bazen ere, egoera korapilatu egin zitzaion finalaurrekoetan. Sufritu izana du gogoan. 2022ko urriaren 23an, oso bestelako biharamuna Martinen bertso bidean.
Elizondon hankak lurrean ongi finkatu ta hegan egin dezagun bota zuen agurrean. Han ere patxadan sentitu zuen bere burua bertsotan eta «gaiei bideak» eta «txinpartak» ikusten zizkien. Publikoaren beroa, kantukideen arteko giro ona eta aurkezlearen lana ere azpimarratu zituen saio ondorenean.
Elkarrizketa honetan finaleko aukeraren aurrean nola sentitzen den eta Elizondoko saioa barrutik nola bizi izan zuen azaltzen dizkigu Alaia Martinek, besteak beste.
Anonyme Popularren agurreko kontzertuak maiatzean eta ekainean 2024-04-18
Maddi Aiestaran Iparragirre - Osinalde Sariko balorazioa 2024-04-08
Jone Larrinaga Dañobeitia - Bertsolari Bertsozale Podkasta 2024-03-28
Mikel Artola Izagirre - Gipuzkoako Bertsozale Elkarteko koordinatzailea 2024-03-26
Juanjo Uria Zubiarrain - Bertsolari bertsozale podkasta 2024-03-15