Txapelketa Nagusia 2022-11-19

Alaia Martin finalera begira, Amurrion ere irabazita

Alaia Martin Etxebeste Nafarroa Arenako finalean izango da, bi finalaurrekoak irabazita, sailkapenean inoiz ezagutu gabeko iraulirik eman ezean behintzat. Oiartzuarrak 676 puntu atera ditu bigarren finalaurrekoan (724 aurreko puntuazio eskalan). Bi saioetako puntuak batuta, 1.405,5 eskuratu ditu Martinek.

Hona hemen Amurrioko sailkapena (gogoan izan bertso bat gutxiago zela aurreko fasearen aldean):

-Alaia Martin            676
-Aitor Bizkarra         651,5
-Oihana Iguaran      632,5
-Onintza Enbeita      632,5
-Agin Laburu           624
-Miren Artetxe         595,5

Sei bertsolariek 14na bertso puntuagarri kantatu dituzte, aurreko faseetan baino bat gutxiago. Beñat Vidal  aritu da aurkezle lanetan. Hona hemen ariketaz ariketako puntuazioa:

Zazpi epaile
Honako zazpi epaile hauexek aritu dira gaur Amurrion: Ainhoa Sarasua Lascaray, Aitor Jimenez Tolosana, Amaia Otxotorena Gamio, Iñaki Aurrekoetxea Arkotxa, Mirari Azula Aurrekoetxea, Nerea Bruño Artazkoz eta Zigor Leunda Eizmendi. Larunbatean idazkari lanetan Joxe Mari Altuna Berridi eta Itziar Basterretxea Olarreaga.



Datorren larunbatean Baionan, Sustrai Colina, Beñat Gaztelumendi, Julio Soto, Nerea Ibarzabal, Unai Agirre eta Eñaut Martikorena. Azken finalaurrekoan, Bilbon: Aitor Mendiluze, Joanes Illarregi, Amets Arzallus, Saioa Alkaiza, Jone Uria eta Maddalen Arzallus.