Atzo jokatu zen Laudion 2023-03-26

Gasteizko Katuko muinoak irabazle Arabako Kuadrilla artekoan

Arabako Bertso Kuadrilla arteko finala jokatu zen atzo Laudion urtarrilean hasitako bidea borobilduz eta Katuko muinoak talde gasteiztarrak irabazi du zazpigarren edizioa. Ekaitz Samaniego, Eli Zaldua, Xabier Antia eta Iñaki Viñaspre aritu ziren kantuan. Beste bi finalistak, Aramaioko Izena pentsau bida: Manex Agirre, Martin Abarrategi, Sabin Abarrategi eta Danel Herrarte. Eta Gasteizko Errexela: Ainara Balantzategi, Marta De Pedis, Inaxio Trojaola, Patxi Alkorta, Kerman Lopez de Lacalle eta Felipe Zelaieta. 

Aramaioko Izena pentsau bida taldea finalea.

Gai jartzen Nieves Del Alamo aritu zen eta protokoloko aurkezpenetan Arantxa Sobrino. Epaile lanetan: Iker Elexpuru, Oier Iñurrieta, Kristina Arteaga, Ekaitz Elorriaga, Ainhoa Aizpurua eta Aitor Jimenez. 120 lagun inguru bildu ziren atzoko egun osoko ekitaldian.

Giroa alaitzeko moduko agur puntuagarriak prestatu zituzten taldeek Muinoko Alayak kanta popurria, euskal punk eta kanta modernoen arteko popurriarekin hasi dira aramaioarrak  eta Brianen bizitza filmako doinuarekin Errexalako kideak

Errexela taldearen agurra finalean.

Ondoren, ariketa sorta luzea egin zuten bertsolariek finalean: zortziko txikian guztiek, Iparragirren, sei puntuko motzean, puntuak erantzuten, atzekoein kantatzen, ganbara eta segidilla.

Errexela taldea finalean.

Urtarrilean hasita
Urtarrilaren 27an eman zitzaion hasiera 2023ko Arabako bertso Kuadrilla artekoari, 12 saio eta 3 finalaurrekoren ostean helmugara heldu zen Laudion. Txapelketa osoan zehar bat-bateko 12 talde eta idatzizko modalitatean 15 talde aritu dira, denera 280 lagun inguru.

Bertsoa.eus Arabako Kuadrilla artekoaren finalean izan zen eta bertsoak ez ezik, finalisten eta antalakuntzaren balorazioak jaso ditu eta datozen egunetan zabalduko ditu.