Xalbat Altzugaray - Bertsolari Bertsozale podkasta 2023-06-01

«Aktualitateari eta gizarte problematikei lotua den bertsolaritza ari da eboluzionatzen eta hori azpimarratuko nuke»

Xalbat Altzugaray 22 urteko gai-emaile urepeldarra da aste honetako protagonista Bertsolari Bertsozale podkastean. Etxetik zaletua, duela bi urte hasi zen gai-emaile lanetan. Duela gutxi Nafarroaren Egunean aritu da zeregin horretan. Urepeldarrak bere zaletasunaren hastapenak, gustuko bertsoak, doinuak, gaiak eta, oro har, bere bertsolaritza ikuspegia utzi ditu Bertsolari Bertsozale podkastean. Egungo bertsolaritzaz azpimarratu du etengabe berritzen ari dela: «Aktualitateari eta gizarte problematikei lotua den bertsolaritza ari da eboluzionatzen eta hori azpimarratuko nuke» adierazi du.