12:00etan Iurretako plazan 2023-09-07

Bizkaiko Bertsozale Elkarteak 40 urteko bidea ospatuko du larunbatean Iurretan

Bizkaiko Bertsozale Elkarteak 40 urteko bidea egin du eta hori ospatzeko ekitaldia antolatu du Iurretan larunbat honetan. Ondoren, bazkaria izango da. 40 urte atzera eginda, 1983an kokatzen gara, Euskal Herriko Bertsozale Elkartea sortu aurreko garaiak dira, herrialdeetan elkarteak sortu zirenekoa. 1985-86an etorri zen Txapelketa Nagusia bertsolaritza barrutik antolatzeko erabakia eta 1987an sortu zen Euskal Herriko Bertsozale Elkartea (Bertsolari Elkartea hasieran).

Bizkaiko Bertsozale Elkartea, beraz, aitzindarietako bat izan zen Nafarroako Bertsozale Elkartea eta Bertsolarien Lagunak elkartearekin batean.