Larunbatean. 17:00etan, Aiherratik 2023-11-16

Xilabako finala zuzenean Bertsoan

Taldekako Xilaba zuzenean emango du Bertsoa.eus-ek larunbatean Aiherratik, 17:00etan hasita. Muttikoak eta Hazparke taldeak ariko dira kantuan Kanaldude telebistaren zuzeneko emankizuna txertatuko du Bertsoa.eus-ek webgunean. Kristof Arotzarena eta Marga Berra Zubietak gidatuko dute emankizuna.

Muttikoak taldea Irati Alcantarilla, Haize Lekuona, Ibai Lekuona eta Miren Artetxek osatzen dute. Hazparke taldea, Irantzu Idoate, Nahia Sasco eta Ortzi Idoatek.