Inauteriak bertsotan 2024-02-09

Libertimenduak larunbatean eta igandean Irisarri, Añorga, Garazi eta Iruñean

Asteburu honetan Libertimenduak bertso plazaren erdigunean kokatuko dira. Lau emanaldi izango dira larunbatean eta igandean Irisarri, Añorga, Garazi eta Iruñean. Bina bertsolari ariko dira bakoitzean, dantzari eta zirtzilekin batean. Larunbatean, Irisarrin eta Añorgan dira hitzorduak.

Irisarrin 10:30etan hasiko da emanaldia eta Amets Arzallus eta Mizel Mateo ariko dira bertsotan. Añorgan, 10:00etan hasiko da festa eta 13:00etan ekitaldi nagusia. Asier Azpiroz eta Unai Gaztelumendi ariko dira bertsotan.

Igandean, Garazin eta Iruñean dira hitzorduak. Garazin, Miren Artetxe eta Maddalen Arzallus ariko dira kantuan, 11:30etan. Iruñeko Iruinkokoan, Sustrai Colina eta Sarai Robles. 09:30etan abiatuko da Iruinkokoa Zaldiko Maldikotik. Euria balitz, Mañuetako frontoian.