Arabako bertsolari txapelketa 2024 2024-02-20

Arabako Txapelketako lehen finalerdia Aramaion larunbatean

Arabako Bertsolari Txapelketak finalerdiei ekingo die larunbat honetan Aramaion. Bertsotan: Peru Abarrategi, Iñaki Viñaspre, Eli Zaldua, Ekaitz Samaniego, Unai Anda eta Manex Agirre, Etxaun Otañok gaiak jarrita. Abarrategi eta Agirre, etxean. 17:30etan da hitzordua, Kultur etxean. Irabazlea finalera sailkatuko da zuzenean.

14 bertso puntuagarri
Bertsolariek 14na bertso puntuagarri botako dituzte eta aurreko fasetik alteratuta, ganbarako lana sartuko da fase honetan.
Binaka, gaia emanda, hiruna bertso zortziko handian.
Binaka, gaia emanda, hiruna bertso zortziko txikian.
Binaka, gaia emanda, hiruna bertso hamarreko txikian.
Ganbarako lana:
Bakarka, hasierako puntua emanda, hiruna bertso zortziko txikian.
Bakarka, gaia emanda, bina bertso doinu eta neurri librean.

Dulantzin azken finalerdia
Arabako Txapelketako azken finalerdia Dulantzi jokatuko da datorren astean, martxoaren 2an, larunbatez. 17:30etan kultur etxean. Bertsotan: Aroa Arrizubieta, Asier Otamendi, Izar Mendiguren, Paula Amilburu, Xabi Igoa eta Aitor Ugarte.