Martxoaren 1ean izango da 2024-02-22

Ia 400 lagun bilduko ditu Bertsopertsiotan ekitaldiak Tolosan

Euskal Herriko Pentsiodunen Mugimenduak deituta ia 400 lagun bilduko dira datorren ostiral eguerdian Tolosan, Bertsopertsiotan bertso jarri lehiaketaren sari banaketa ekitaldian. Joan den udazkenean iragarri zuten ekimena Pentsiodunei zein 60 urtez gorakoei zuzenduta, «bertsogintza, pentsamendu eta ideia berriak gizarteratzeko baliabide gisa» hartuta.

Ari garela, ari garela, astelehenero kalean horixe zuten gaia 3-6 bertso artean egiteko. Eta erretretadunak erakutsi dute lanerako daudela: 57 sorta jaso dituzte. Sorta sarituak bai baina diru saririk ez da izango. Sorta horietako batzuk ostiraleko saioan kantatuko dituzte eta bat-bateko bertsoak ere izango dira.