Bi kanporaketa eta finala 2024-02-29

Ostiralean hasiko da Erniarraitz Sariketa

XII. Erniarraitz Sariketa ostiralean abiatuko da Azkoitian Martitte auzoan. Bi kanporaketa eta finala izango ditu. Euskal Herri osoko 12 bertsolarik hartuko dute parte.

Lehenengo kanporaketan, Naia Arrizabalaga, Maddi Agirre, Aitor Tatiegi, Andoni Rekondo, Garazi Navarro eta Maite Sarasola ariko dira kantari. Martitteko elkartean, afalondoan.

Bigarren kanporaketa Zestoan izango da martxoaren 15ean, Lau Iturri elkartean: Julen Iturne, Aimar Sorasu, Gorka Pagonabarraga, Irantzu Idoate, Maddi Aiestaran eta Eki Mateorena ariko dira kantuan.

Finala martxoaren 22an izango da Azpeitian, San Agustin kulturgunean, 22:00etan.

Kanporaketetarako erreserbak erniarraitz@gmail.com postan. Finalerako sarrerak www.kulturaz.eus atarian.