Gasteizen jokatu da finala Printzipal Antzokian 2024-03-17

Aroa Arrizubieta Arabako Txapeldun

Aroa Arrizubieta Barredok irabazi du 16. Arabako Bertsolari Txapelketa Gasteizko finalean gailenduta. Manex Agirrerekin jokatu du buruz burukoa. 700 lagun bildu dira Printzipal Antzokian. Puntuazioan gauza estu izan dira bai txapelerako eta baita ondoren ere.  Lan puntuagarriak eginda, honela gelditu da sailkapena:

Aroa Arrizubieta: 614,5 puntu
Manex Agirre: 613,5 puntu
Paula Amilburu: 415 puntu
Peru Abarrategi: 412,5 puntu
Asier Otamendi: 410,5 puntu
Iñaki Viñaspre: 381,5 puntu

Arrizubietari Xabier Ricok jantzi dio txapela.

Oier Suarez aritu da gai-jartzaile lanetan eta Nieves del Alamo protokolo lanetan. Epailetzan:  Fernando Sopelana, Aitor Jimenez, Ekaitz Elorriaga, Iker Elexpuru eta Patxi Aizpurua. Idazkari lanetan Endika Jimenez.