Azpeitian jokatu zen finala ostiralean 2024-03-25

Andoni Rekondok irabazi du Erniarraitz Sariketa

Andoni Rekondo bertsolari hernaniarrak irabazi zuen ostiralean Ernaiarraitz Sariketa Azpeitian. Lehenengoz San Agustin Aretoan jokatu zen finala eta publiko aldetik erantzun beroa jaso zuen. Hona hemen sailkapena:

    Andoni Rekondo          (287 puntu)
    Aitor Tatiegi                (255,5 puntu)
    Irantzu Idoate            (251,5 puntu)
    Gorka Pagonabarraga (249 puntu)
    Eki Mateorena            (245,5 puntu)
    Maite Sarasola           (234 puntu)


Aurten, Itzeder Arrizabalaga trikitilariak jantzi zion irabazleari txapela. Erniarraitzek azaldu duenez, urte luzez, Erniarraitz bertso eskolaren bidelagun izan den trikitilaria da Arrizabalaga, eta bertsoari oso lotuta egon da beti. Gainera, trikiti doinuen bidez Urola Erdiko bertsolaritzak etenik izan ez dezan lagundu duela nabarmendu du bertsozale elkarteak.

Haritz Alberdi aritu zen aurkezle lanetan. Epaile: Oihana Aranguren, Bakarne Urreaga eta Zigor Leunda.

(Argazkiak: Maialen Etxaniz - Uztarria)