Finala Senperen, maiatzaren 11ean 2024-04-23

Haira Aizpurua Hernandorena Sariketako finalera

Haira Aizpurua Ibargarai bertsolari saratarra Hernandorena Sariketako finalean izango da, larunbatean Irisarrin lehenengo kanporaketa irabazita. Aizpuruarekin batean, kantuan aritu ziren: Aiantze Lannes, Maddi Agirre, Josu Txoperena, Danel Herrarte eta Beñat Astiz, Gure Doia ostatuan.

Hendaian larunbatean
Hernandorena Sariketako bigarren kanporaketa Hendaian jokatuko da, apirilaren 27an: Irantzu Idoate, June Diaz, Maddi Aiestaran, Ibai Lekuona, Jon Mendiluze eta Izaro Bilbao ariko dira kantuan, Balea elkartean, 19:00etan.

Hemen ere saioko irabazlea zuzenean sailkatuko da finalerako, Aizpuruarekin batean eta gainerako lau bertsolariak puntuen baitan sailkatuko dira.

Finala maiatzaren 11ean jokatuko da Senperen, Larraldean, 19:00etan.