Gipuzkoako Txapelketako sailkapen fasea 2024-04-25

Gaur hasiko da Gipuzkoako sailkapen fasea Eskoriatzan, sarrerak agortuta

Gaur arratsaldean hasiko da Gipuzkoako Txapelketarako sailkapen fasea Eskoriatzan, duela 50 urte haurren bertso-eskolak abiatu zuten herrian. Joar Garate, Antton Fernandez, Asier Ibarguren, Andoitz Urdanpilleta, Emaitz Murua, Libe Goenaga, Jon Mata eta Peru Aiartza ariko dira kantuan, Iker Iriartek aurkeztuta. Sarrerak agortuta ekingo dio sailkapen faseak.

Bihar Zestoan eta Gabirian
Bihar beste bi saio egingo dira Zestoan eta Gabirian. Sarrerak agortu egingo dira Zestoan eta Gabirian ere jendetza espero da.

Zestoan, Amets Aizpurua, Oihana Arana, Eneko Araiztegi, Eneko Beretxinaga, Haizea Arana eta Julen Zulaika ariko dira kantuan, Haritz Alberdik aurkeztuta. 19:00etan kultur etxean.



Gabirian, ordu berean, Aitor Tatiegi, Maider Arregi, Urko Egaña, Uxue Fernandez, Andoni Mujika eta Aitor Zubikarai, Irati Sanchez de Arevalok aurkeztuta.

Sailkatze mailakatua
Fase honetan 74 bertsolari ariko dira kantuan eta bi itzulitara jokatuko da. Lehen itzulitik 48 bertsolari pasako dira bigarrenera eta 34 bertsolarik lortuko dute udazkenerako txartela. Bi saioetako puntuak hartuko dira kontuan.


Maiatzaren 2an eta 3an jarraituko du Gipuzkoako sailkapen fasean, beste lau saiorekin.