Gipuzkoako Txapelketako sailkapen fasea 2024-04-26

Libe Goenaga irabazle Gipuzkoako lehen kanporaketan eta gaur beste bi saio Gabirian eta Zestoan

Gipuzkoako Txapelketako sailkapen faseko lehen kanporaketa jokatu zen atzo Eskoriatzan, sarrerak agortuta. Libe Goenagak lortu zuen puntu gehien eta Peru Aiartza gelditu zen bigarren.

Libe Goenaga Arrieta ------------------ 330
Peru Aiartza Carajaville ---------------- 316,5
Emaitz Murua Arzallus ----------------- 312,5
Andoitz Urdapilleta Gurrutxaga ------- 302,5
Antton Fernandez Lasa ---------------- 299,5
Asier Ibarguren Amondarain ---------- 297,5
Jon Mata Etxaniz ----------------------- 269
Joar Garate Rueda --------------------- 258


Iker Iriarte aritu zen aurkezle lanetan eta epaile lanetan Estitxu Agirre Agirre, Ion Martinez Ugarteburu, Mikel Urteaga Azkue eta Oihana Aranguren Etxaniz. Idazkari Aratz Irazustabarrena Garmendia eta Oier Iurramendi Etxeberria.

Gaur Zestoan eta Garibian saioak

Zestoan, Amets Aizpurua, Oihana Arana, Eneko Araiztegi, Eneko Beretxinaga, Haizea Arana eta Julen Zulaika ariko dira kantuan, Haritz Alberdik aurkeztuta. 19:00etan kultur etxean.



Gabirian, ordu berean, Aitor Tatiegi, Maider Arregi, Urko Egaña, Uxue Fernandez, Andoni Mujika eta Aitor Zubikarai, Irati Sanchez de Arevalok aurkeztuta.

Sailkatze mailakatua
Fase honetan 74 bertsolari ariko dira kantuan eta bi itzulitara jokatuko da. Lehen itzulitik 48 bertsolari pasako dira bigarrenera eta 34 bertsolarik lortuko dute udazkenerako txartela. Bi saioetako puntuak hartuko dira kontuan.


Maiatzaren 2an eta 3an jarraituko du Gipuzkoako sailkapen fasean, beste lau saiorekin.