Atzo jokatu zen lehen kanporaketa Getxon 2024-05-07

Abian da Bizkaiko Eskolartekoa eta maiatzaren 25ean jokatuko da finala Arrigorriagan

Abian da Bizkaiko bat-bateko Eskolarteko Txapelketa. Atzo jokatu zen lehenengo kanporaketa Algortan zazpi bertsolari gazte kantuan zirela:

    Maddi Aurtenetxe
    Amaiur Betanzos
    Eider Fernandez
    Amaia Gallastegi
    Naroa Iturrioz
    Aimar Marcos
    Naia Martin
Naroa Iturriozek batu ditu puntu gehien eta maiatzaren 25ean Arrigorriagan jokatuko den finalean izango da. 

Gai-emaile lanetan Idoia Anzorandia aritu zen. Epaile, Miriam Juaristi, Jon Martinez eta Mirari Azula izan dira. Idazkari, Ander Elortegi.



Bizkaiko Eskolarteko Txapelketak hiru kanporaketa eta finala izango ditu. Ondorengoak dira hurrengo bi kanporaketak:

    Maiatzak 13, 17:00etan, Durangon, Kurutziaga Ikastolan
    Maiatzak 15, 17.00etan, Igorren, Lasarte Aretoan

Saio bakoitzeko irabazlea zuzenean sailkatuko da finalera eta gainontzeko bost bertsolariak puntuazioaren arabera. Finala maiatzaren 25ean jokatuko da Arrigorriagako eskolan. Goizeko 10:00etan eskolarteko idatzizko finala izango da eta ostean, 11:30ean, ekingo dio bat-bateko finaleko zortzikoteak.

Idatzizko txapelketa ere abian da ikastetxe eta eskualdeetan

Bizkaiko Eskolarteko idatzizko txapelketa ere martxan da Bizkaiko ikastetxe eta eskualdeetan. Kanporaketa hauetatik sailkatutako ikasleek idatzizko finalean parte hartzeko aukera izango dute. Sari emate ekitaldia bat-bateko saioaren ostean izango da.