Senperen jokatu zen finala larunbatean 2024-05-13

Irantzu Idoatek irabazi du Hernandorena, Maddi Aiestaranekin buruz burukoa jokatuta

Hernandorenako finala jokatu zen larunbatean Senperen, Larraldean. Haira Aizpurua, Irantzu Idaote, Izaro Bilbao, Danel Herrarte, Maddi Aiestaran eta Jon Mendiluze aritu ziren kantuan, Xalbat Alzugarayk aurkeztuta. Gela mukuru beteta jokatu zen finala, giro beroan. Bertsolariek saio ederra egin zuten eta estu ziren puntuazioak. Irantzu Idoatek jantzi zuen txapela, Maddi Aiestaranekin buruz burukoa jokatuta. Haira Aizpurua gelditu zen hirugarren.

Aritz Bidegain Bertsularien lagunak elkarteko lehendakariak jantzi zion txapela Idoateri.

Epaile lanetan Ainhoa Sarasua, Iban Thikoipe eta Zuhaitz Olazabal aritu ziren eta Maindi Murua idazlari lanetan.

Bertsoa.eus ere Hernandorenako finalean izan zen eta aste honetan sareko plazara ekarriko ditu buruz burukoa jokatu zuten bi bertsolarien adierazpenak eta bertso hautaketa zabala.