Aramaion jokatu zen finala larunbatean 2024-05-20
Hegoi Amabizka gasteiztarrak irabazi du XXIX. Arabako Eskolarteko Txapelketa eta Euskal Herriko finalean izango da Iraide Onaindiarekin batera Arantzan ekainaren 15ean jokatuko den ekitaldian. Urko Lafuentek, Samuel Rodriguezek, June Astegietak, Anitz Abarrategik osatu dute finalisten seikotea. Hegoi Amabizkari Aroa Arrizubieta Arabako Txapeldunak jarri zion txapela. Oihane Perea, Irati Anda eta Peru Abarrategik osatu zuten epai-mahaia.
Aurretik, bertsolari gaztetxoen taldekakoa
Eskualde ezberditenetako bertsolari gaztetxoen taldekakoarekin hasi da arratsaldea Aramaion: Gorbeialdeko taldeko 6 lagun kamiseta urdinarekin, Lautadako 4 lagun kamista horiarekin eta Gasteizko 7 lagun kamiseta beltzez. Taldeko kideen artean ariketa ezberdinetan erakutsi behar izan dute errimatzeko duten trebezia eta 2 oinetan, 4 oinetan, amaiera eta 3 oin emanda, aurrekoak atzekoari eta ofiziotan koplaka ariketei erantzunez aritu dira. Hiru talde lehian aritu ondoren Gasteizko taldea gailendu da.
Eskolartarteko finala osatzen
Arabako Eskolartekoa jokatuta, ari da osatzen Euskal Herriko Eskolarteko finalisten taldea: Gipuzkoatik, June Aiestaran eta Joanes Azpillaga ariko dira; Nafarroatik, Kattin Maddariaga eta Kattalin Lizarraga; eta Arabatik Hegoi Amabizka eta Iraide Onaindia; Bizkaiko ordezkariak larunbat honetan erabakiko dira Arrigorriagan. Lapurdi, Baxe Nabarre eta Zuberoakoak ekainaren 1ean Itsasun.
Gipuzkoako Bertsolari Txapelketa 2024 2024-09-06
Asier Azpirozí jarritako gaia 2024-09-03
Udako Ikastaroetako hitzaldiak sarean - Beñat Gaztelumendi Arandia 2024-09-02
Jone Uria Albizuri - Señora Sariketako Pameladuna 2024-06-14
Jon Agirresarobe Lopetegi 'Torrotxo' - Bertsolari Bertsozale podkasta 2024-05-17
Anonyme Popularren agurreko kontzertuak maiatzean eta ekainean 2024-04-18