Bertsoa.eus-en astezkenean 2024-05-21

Gipuzkoako sailkapen fasearen gakoak Andoni Egaña eta Amaia Agirreren begietatik

Gipuzkoako Bertsolari Txapelketari buruzko gakoak mahai-inguru formatuan aletuko dira udaberriko fasean zein udazkenean eta atzo egin zen lehenbizikoa. Andoni Egañak eta Amaia Agirrek aztertu zituzten Saroi Jauregik planteatutako hari-muturrak, orokorretatik hasi eta bertsogintzara artekoak. Bertso aldetik, saio bakoitzeko lagin bat argitaratu da Bertsoa.eus-en eta bereziki hori hartu zuten aintzat beren gogoetak egiteko.

Gipuzkoako sailkapen faseko lehen itzulian, lau asteburutan 12 saio egin dira ostegun eta ostiraletan. Gehienetan, egun berean bi saio ordu berean eta gai berekin. Eta ondoren, mokadutxoa saioko sentipenak eta iruzkinak partekatzeko giroan. Ariketa aldetik, zenbait aldaketa izan da, bereziki ganbarako ariketa aurreratzea eta azkenaurreko lan bihurtzea. Saio gehienak sarrerak agortuta jokatu dira eta 1.700 lagun bildu ditu Gipuzkoako sailkapen faseko lehen itzuliak.

Lehenengo mahai-ingurua asteazkenean jarriko du sarean Bertsoa.eus-ek eta bigarren itzuliaren ondoren etorriko da bigarrena. Udazkenean jarraipena izango du.