Bizkaiko bertsolaritzaren egun osoko hitzordua 2024-05-23

Bizkaiko Eskolartekoaren eta Taldekakoaren finalak larunbatean Arrigorriagan

Bizkaiko bertsolaritzak egun osoko hitzordua du larunbat honetan Arrigorriagan. Goizean Eskolarteko finala jokatuko da, idatzizkoan zein bat-bateko modalitatean. Arratsalean, Taldekako Txapelketaren finalaurrekoen txanda izango da eta gauean finala.

Eskolartekoa Arrigorriagako eskolan jokatuko da. Idatzizkoa lehenbizi eta bat-batekoa ondoren, 11:30etan  hasita. Aurrez hiru kanporaketa jokatuta, ondoko zortzi bertsolari gazte hauek ariko dira kantuan:

    Aiala Irurtia
    Ekhi Zuluaga
    Eider Fernandez
    Enara Gallastegi
    Garazi Uriarte
    Iradi Barrenetxea
    Kelmene Abaitua
    Naroa Iturrioz
 

Arratsaldean Taldekako finalaurrekoak
Bizkaiko Taldekakoaren finalaurrekoak eta finala egun berean jokatzen dira. Arratsaldean finalaurreko saioak eta gauean finala. Finalaurrekoetan bederatzi taldek hartuko dute parte eta hiru saio izango dira, hiruna taldekoak. Saio bakoitzeko irabazlea sailkatuko da finalera.

Hona hemen jokatuko diren hiru finalaurrekoak:

    1. finalaurrekoa, 16:00etan Arrigorriagako eskolan:
        Pirata bertso-taldea
        Troiako zaldia
        Zapatilapeko txikliek

    2. finalaurrekoa, 17:30ean Arrigorriagako kaleetan:
        LauBuru
        LeartiBai+
        Zornotzako Bertso Oskola

    3. finalaurrekoa, 19:00etan Arrigorriagako kaleetan:
        Durangalduek
        Far West
        Taket

    Finala, 22:00etan izango da Elizondo jatetxean.