Merkatuan, 17:30etan 2024-05-24

Zortzi bertsolari Señora Sariketan ekainaren 8an Portugaleten

Señora Sariketako IV. edizioa saio bakarrera jokatuko da ekainaren zortzian Portugaleten eta zortzi bertsolari ariko dira kantuan 17:30etan hasita: Haira Aizpurua Ibargarai, Jone Uria Albizuri, Maialen Akizu Bidegain, Ane Zuazubiskar Iñarra, Araitz Katarain Mugarza, Ibai Lekuona Darceles, Eukene de los Aires Amundarain eta Irati Majuelo Itoiz. Gai-jartzen, Idoia Anzorandia Kareaga.

Iaz, Oñatin jokatu zen finala eta Maider Arregik eraman zuen Pamela.

Bertso poteoa goizean eta bazkaria ondoren
IV. Señora Sariketak egun osoko egitaraua izango du Portugaleten. Goiz partean bertso poteoa izango da Ahalduntze Bertso Eskolako bertsolarien eskutik, Izar Gorria tabernan hasita. Ondoren, bazkaria merkatuan, sariketa jokatuko den lekuan bertan.