Pello Mari Otañoren filmaren inguruan 2024-05-30

'Ombuaren itzalean, Karidadeko benta’ izeneko ikuskizun artistikoa Pasaian larunbatean

Pello Mari Otaño bertsolariari buruzko filma egiten ari da Patxi Bisquert zinegilea eta larunbatean horren inguruko Ombuaren Itzalean, Karidadeko benta ikuskizuna eskainiko dute Pasaian, Bixi Bixi Elkartearen eskutik. Filmaren irudiak, aktoreen eta Patxi Bisquerten solasaldiak eta bertsolarien ekinaldiak konbinatuko dituzte, Jon Maia bideratuta. Bertsotan Maddalen Arzallus eta Andoni Egaña ariko dira.

Pedro Mari Otañoren garaiaren eta gaurko garaiaren arteko ispilu joko bat izango da. Hausnarrerako bide izango da: lehengo bertsolaritza eta oraingoa, lehengo Euskal Herria eta oraingoa… Otañok emigratu egin behar izan zuen. Hori ere landuko dute: lehengo emigrazioa eta oraingoa. Eta baita lehengo euskal identitatea eta oraingoa ere.

Bixi Bixi Elkarteak Gora Herriak ekimenaren baita antolatu du saio hau eta ekainaren 15ean bertsolariak eta payadaroak ariko dira bukaerako ekialdian.