Arantzan, ekainaren 15ean, 17:00etan 2024-06-03

11 bertsolaritik 8 berriak Eskolarteko finalean

Euskal Herriko Eskolarteko final berritua jokatuko da Arantzan ekainaren 15ean. Hamaika bertsolaritik zortzi berriak izango dira eta beste hiru aurretik aurretik ere finalaren berri badutenak, tartean iazko txapelduna. Haira Aizpurua, June Aiestaran eta Kattin Madariaga dira aurrez ere finalean kantatuak eta Aizpurua da egungo txapelduna.

Gainerako zortzi bertsolariak lehenengoz ariko dira Euskal Herrikoan: Joanes Azpillaga, Kattalin Lizarraga, Hegoi Amabizka, Iraide Onaindia, Kelmene Abaitua, Ekhi Zuluaga, Unax Aizpurua eta Nahia Etcheverry. 

Herrialdeka berriz, honela gelditu da finala: Gipuzkoatik, June Aiestaran eta Joanes Azpillaga; Nafarroatik, Kattin Madariaga eta Kattalin Lizarraga; Arabatik Hegoi Amabizka eta Iraide Onaindia; Bizkaitik Kelmene Abaitua eta Ekhi Zuluaga; Lapurditik Haira Aizpurua eta Unax Aizpurua; eta Baxenabarretik Nahia Etcheverry. 

Finala Arantzan izango da Iurretari lekukoa hartuta. 17:00etan frontoian.