larunbatean jokatu zen Muxikan 2024-06-24

Eli Pagolak irabazi du Argi Baltza

IV. Argi Baltza Sariketako finala jokatu zen larunbatean Muxikan, sei bertsolari kantuan zirela: Asier Galarza, Iruri Altzerreka, Eli Pagola, Irantzu Idoate, Gorka Pagonabarraga eta Maddi Aiestaran. Lan puntuagarriak eginda, Eli Pagolak eraman zuen Argi Baltzaren IV. edizioa Asier Galarzarekin buruz burukoa jokatuta. Gorka Pagonabarraga gelditu zen hirugarren.

Argi Baltza Sariketa Jon Lopategiren lanaren aitortzan abian jarritako sariketa da eta hiru kanporaketa eta finala izaten dira Bizkaian, Busturialdea eskualdean.