Errexil Sariketa Urruñan - finala datorren ostiralean 2024-09-30

Intxausti, Lazkoz, Artetxe, Abarkas, Sarasua eta Christy Errexil Sariketako finalera

Errexil Sariketako bigarren kanporaketa jokatu zen ostiralean Urruñan: Patxi Iriart, Eneko Abasolo "Abarkas", Maddi Sarasua, Josu Sanjurjo, Miren Artetxe eta Aissa Intxausti aritu ziren kantuan, Xalbat Altzugarai gai-emaile zela. Aissa Intxaustik irabazi zuen kanporaketa eta berak lortu zuen finalerako zuzeneko txartela. Aurreko astean Eneko Lazkozek irabazi zuen. Finalistak beraz: Aissa Intxausti, Eneko Lazkoz, Miren Artetxe, Eneko Abasolo Abarkas, Maddi Sarasua eta Ramuntxo Christy.



Finala datorren ostiralean izango da, urriaren 4an, Urruñan, Postako Gelan, 19:00etan. Txapeldunari Errexil bertsolariaren seme den Jean Louis Eizmendi "Errexil II" ak jantziko dio.