Ostiralean jokatu zen urruñan 2024-10-07

Eneko Lazkoz Errexil Sariketako irabazle

Errexil Sariketako finala jokatu zen ostiralean Urruñan, Postako Gelan. Aritz Bidegainek gidatuta, sei bertsolari aritu ziren kantuan: Aissa Intxausti, Eneritz Artetxe, Ramuntxo Christy, Eneko Lazkoz, Maddi Sarasua eta Eneko Abasolo "Abarkas". Lehen lan puntuagarriak eginda, Eneko Lazkoz eta Maddi Sarasua sailkatu ziren buruz burukorako eta Etxarri-aranaztarrak jantzi zuen txapela. Epaile lanetan Iban Thikoipe, Maialen Berra eta Ainhoa Sarasua aritu ziren. Irabazleak Errexil bertsolariaren semearen eskutik jantzi zuen txapela.

Errexil Sariketa Bertsularien Lagunak Elkartearen eskutik etorri da eta Urruñako herriko etxearekin elkarlanean antolatu du.