Ume eta gaztetxoentzako 16 sorta musikatu berri Lapurdi, Baxenafarroa eta Xiberoako bertsolariek eginak

Bertsozale Elkarteak bertso eskoletarako material berria ondu eta argitaratu du haur eta gaztetxoentxoentzako. 16 sorta musikatu berri landu ditu denera. Lapurdi, Baxenafarroa eta Xiberoako bertsolariek egindako sortak dira eta, doinutan zein hizkuntzan duten kolorea eta ekarpena ere nabarmendu du Bertsozale Elkarteak. Bertsoeskola.eus atarian daude denak entzungai.

Maddi Sarasua, Aimar Karrika, Odei Barroso, Ramuntxo Christy, Haira Aizpurua, Josu Txoperena, Xan Alkhat, Maddi Ane Txoperena, Aitor Servier, Lur Renteria, Ainhoa Sarasua, Nahia Etcheverry, Maddalen Arzallus, Aetz Etxart, Leire Casamajouk eta Joanes Etxebarriak egindako sortak dira.
 
Beñat Larrory eta Ainhoa Sarasuak kantatu dituzte sortak guztiak. Ainhoa Elizondok jo du eskusoinua, Aner Euzkitze pianoa eta Ainhoa Sarasuak gitarra. Grabaketa lanak Odei Barrosok zuzendu ditu Alkimia Produkzioak estudioan. Ixiar Eizagirre Hezkuntza eragileak koordinatu du proiektua. Aurrera begira sorta berriekin elikatzen joateko bokazioa du proiektuak.

• SORTA MUSIKATUAK

  9-11 urtekoentzat

  • Emozioak. Maddi Sarasua
  • Ez dugu parekorik. Aimar Karrika
  • Omendu nahian etorri gira

  12-13 urtekoentzat

  • Nork ez du nahi? Odei Barroso
  • Bihurrikeriak. Nahia Etxeberri
  • Ez naiz isilik egongo. Ramuntxo Christy

  14-15 urtekoentzat

  • Maitemintzeaz. Haira Aizpurua
  • Euskal Herriko probintziak. Josu Txoperena
  • Lagunak eta gu. Aitor Servier
  • Ispiluarekin solasean. Maddi Ane Txoperena
  • Bihar ere azterketak ditugu. Xan Alkhat
  • Festara ateratzeko negoziaketan. Lur Renteria eta Ainhoa Sarasua

  16-18 urtekoentzat

  • Gaztetarzüna. Aetz Etxart
  • Nolako mina. Joanes Etxebarria
  • Doluak dolu. Maddalen Arzallus
  • Bizia ta heriotza / Heriotza ta bizia. Leire Casamajou