Larunbatean Bilbon, Euskalduna Jauregian, 18:00etan 2024-10-16

Kristina Mardaras omenduko du Bizkaiko Emakume Sortzaileen Topaketak

Kristina Mardarasek Bizkaiko Emakume Sortzaileen omenaldia jasoko du larunbatean Bilbon, Euskalduna Jauregian egingo dute III. Topaketaren baitan. Antolatzaileek Mardarasen bertsolari ibilibidea omendu nahi dute. Antolakuntzak azpimarratu du Mardarasek bertsolaritzan egin duen ibilbidea erreferentzia dela emakume sortzaile askorentzat.

Kristina Mardaras (Iurreta, 1948) umetatik bertsozaletu zen eta 1982an Durangoko bertso-eskolan eman zituen lehen pausoak. 1986an Txapelketa Nagusian hartu zuen parte eta bera da Txapelketa Nagusi batean parte hartu duen lehenbiziko emakumezko bertsolaria. Geroztik ibilibide luzea egin du Mardarasek.

Bizkaiko Emakume Sortzaieleen III. Topaketak Iurretako bertsolariaren irudia baliatu du aurtengo edizioko euskarri nagusitzat.


Omenaldia larunbat arratsaldeko 18:00etan izango da. Onintza Enbeita, Enare Muniategi, Haizea Telleria eta Iruri Altzerreka ariko dira kantuan. Dantza eta musika ere izango ditu ekitaldiak.