Larunbatean 21:00etan ETB1n 2024-10-17

Hitzetik Hortzera, mugaz gaindi

Xalbador eta Uztapide bertsolariek Zestoa eta Urepel herrien arteko senidetzea ekarri dute eta horren bueltan ondu du Pako Aristik Uztapide eta Xalbador. Bi adiskide mugaz gaindi Zestoako Udalaren eskariz eta Erein argitaletxeak argitaratatuta.

Mirari Martiarenak Pako Aristi elkarrizketatu du. Bi bertsolarien izaeraz eta euren bertso ibilbideaz arituko dira. Aristiren esanetan, Uztapide eta Xalbador bi bertsolari oso ezberdin izan ziren, baina elkarrekin ondo uztartzen zirenak, plazan zein plazatik kanpo. Bertsoari esker ezagutu zuten elkar eta hogeita hamar urteko adiskidantza izan zuten. Adiskidantza horri buruz ere arituko dira aste honetako programan.

Urepeleko Zestoa Eguna eta Errexil Sariketako finala
Zestoa eta Urepeleren senidetza dela eta, Zestoa Eguna ospatu zen Urepelen. Bertan egindako bertso saioko bertsoaldiak ekarriko dituzte aste honetako Hitzetik Hortzerara. Amets Arzallus, Haira Aizpurua eta Aitor Salegi aritu ziren bertsotan, Xalbat Alzugarayren esanetara.



Urruñan jokatu zen Errexil Sariketako finaleko bertsoaldiak ere izango dira. Eneko Lazkozek irabazi zuen eta bertsokide izan zituen Aissa Intxausti, Miren Artetxe, Eneko Abasolo Abarkas, Maddi Sarasua eta Ramuntxo Christy. Aritz Bidegainek egin zituen gai-jartzaile lanak.



Hitzetik Hortzera, larunbatean 21:00etan, ETB1en.