Gipuzkoako Txapelketa - Final-laurdenak 2024-10-21

Beñat Gaztelumendi irabazle Errenteriako final-laurdenean

Errenterian jokatu zen atzo Gipuzkoako Txapelketako lehenengo final-laurdena Lekuona Fabrikan 450 laguneko areotoko sarrerak agortuta eta Beñat Gaztelumendik irabazi du saioa, 493 puntu eskuratuta. Bertsolari añorgarrak finalaurrekoetan kantatzeko txartela eskuratu du eta Oiartzungo saioan izango da azaroaren 17an. Hona hemen gaurko saioko sailkapena:

    Beñat Gaztelumendi Arandia.............................493
    Iñigo Gorostarzu Etxebeste................................455
    Beñat Iguaran Amondarain................................451,5
    Unai Gaztelumendi Arandia...............................444
    Oihana Arana Cardenal......................................440
    Aitor Salegi Martija...........................................427

Gai-jartzaile lanetan Aizpea Garmendia Iartza aritu zen. Epaile lanetan, berriz: Amaia Otxotorena Gamio, Karlos Ibarguren Olalde, Maite Sukia Olano, Oihana Aranguren Etxaniz eta Zigor Leunda Eizmendi. Idazkari, aldiz, Aratz Irazustabarrena Garmendia.

Fase honetan bost final-laurden izango dira. 30 bertsolarik kantatuko dute eta 18 sailkatuko dira finalaurrekoetara. Saioetako bost irabazleak zuzenean eta beste 13 puntuen baitan.