Bizkaiko Bertsozale Elkartearen eskutik 2024-10-22

Eskolatik Plazara gaztetxoentzako ekimenaren 15. edizioa abian da Bizkaian

Eskolatik Plazara gaztetxoentzako ekimenaren 15. edizioa abian da Bizkaian
Gaur hasi eta maiatzera bitartean bertsolari gazteentzako plaza bihurtuko dira ikastetxeetako aretoak, astelehen arratsaldeetan.

Abian da Bizkaian Eskolatik plazara proiektua, 18 urte arteko bertso eskoletako gazteei zuzenduta. Ekimenaren helburu nagusiak gazteei lehiatik kanpo kantatzeko aukera eskaintzea, beraien arteko harremanak sendotzea eta konfiantza giroa lantzea dira.

Entzuleak, bestalde, 11-12 urteko gaztetxoak izaten dira, hau da, ikastetxeetan bertsolaritza lantzen ari diren gaztetxoak. Hauek izango dira, gainera, bertso saiorako gaiak landuko dituztenak.

Proiektu honek helburu bikoitza du, beraz; batetik, bertsolari gazteei plazak ematea, eta bestetik, bertsolaritza ikasleengana bertso saio bat hurreratzea.

Ekimen hau orain 15 urte ipini zen martxan, eta ikasturte honetako edizioari Zornotzako Larrea ikastetxean emango diogu hasiera. Aurten, astelehen arratsaldeetan izango dira saioak, eta 12 gazte inguru ibiliko dira Bizkaiko ikastetxeetan zehar kantuan.

Saio bereziak izaten dira Eskolatik plazarakoak, bertsolari eta entzule gazteen neurrira diseinatutakoak. Horretarako, Ander Elortegi Garatea, Bittor Altube Sarrionandia eta Idoia Anzorandia Kareaga arituko dira gidari beharretan aurten.

Albiste gehiago

Martxoak 8 - Emakumearen Nazioarteko Eguna 2025-03-05

Martxoak 8 bertso agendan: formatu desberdineko 17 ekitaldi gaur hasita

Larunbatean 21:00etan ETB1en. 2025-02-20

Bertsoaroako eta sagardotegiko bertsoak Hitzetik Hortzeran

Miren Artetxe eta Bittor Thikoïpe 2025-02-18

Bertsoak Donapaleuko libertimenduan