Gipuzkoako Txapelketa - final-laurdenak 2024-10-24

Azkoitian eta Irunen Gipuzkoako final-laurdenak

Gipuzkoako Txapelketako beste bi final-laurden jokatuko dira larunbatean eta igandean. Lehenbiziko hitzordua Azkoitian izango da, larunbatean 17:00etan Baztartxon. Haritz Alberdi Alberdik aurkeztuta, honako sei bertsolari hauek ariko dira kantuan:

    Ane Labaka Mayoz
    Asier Azpiroz Iztueta
    Eli Pagola Apezetxea
    Maialen Akizu Bidegain
    Oier Etxeberria Zubimendi
    Unai Mendizabal Jauregi

Ane Labaka 2019ko finalean aritu zen kantuan eta asteburu honetan sartuko da txapelketan.

Irungo saioan, berriz, honako sei bertsolari hauek izango dira Uxune Areizaga Aranberrik aurkeztuta:

    Amaia Iturriotz Etxaniz
    Aner Peritz Manterola "Euzkitze"
    Eneritz Artetxe Eizagirre
    Eñaut Martikorena Lizaso
    Iñaki Apalategi Astigarraga
    Oihana Iguaran Barandiaran

Irungo saioan Oihana Iguaran da txapelketan fase honetan sartuko dena, 2019ko Gipuzkoako finalista gisa.

Epaile lanetan fase osoa talde bera dabil:  Amaia Otxotorena Gamio, Karlos Ibarguren Olalde, Maite Sukia Olano, Oihana Aranguren Etxaniz eta Zigor Leunda Eizmendi. Idazkari lanetan, Aratz Irazustabarrena Garmendia ariko da.

Irungo saiorako sarrerak bukatu egin dira dagoeneko; eta, beraz, saioaren egunean ez dugu txarteldegirik jarriko. Azkoitiko sarrerak, aldiz, bertsosarrerak.eus atarian daude eskuragai; baita aretoko txarteldegian ere, saioaren egunean, aurretik agortuko ez balira.