Gipuzkoako Txapelketa - Nerea Elustondo Plazaola 2024-11-06

«Duela 30 urte hasi nintzen bertsotan eta esango nuke inoiz egon naizen 'entxufatuena' oraintxe nagoela»

Nerea Elustondo bertsolari legazpiarrak Gipuzkoako Tolosako final-laurdeneko balorazioa utzi digu Bertsoan. Bertigo puntu batekin joan zela adierazi du eta lanerako jarrerarekin joan izana lagungarri gertatu zitzaiola. Txapelketa honetan bere burua nola kokatzen duen galdetuta, bi ideia utzi ditu. Batetik, azken urte eta erdian plaza gehiago egin dituela 30 urteko bide osoan baino. Eta bestetik, bolada honetan 30 urteotan bertsoarekin inoiz egon den «entxufatuena» dagoela.