Bertso-bazkari formatoan, Zubiburu elkartean 2024-11-07

VII. Zapi Janztea larunbatean Zaldibian

Udazkeneko Zapi Janztearen VII edizioa ospatuko da Zaldibian larunbat honetan, bertso-bazkari formatoan, Zubiburu elkartean. Lau bertsolari ariko dira kantuan: Ane Labaka, Julio Soto, Garazi Navarro eta Jexux Mari Irazu, iazko zapidun gisa. Gai-jartzaile lanetan Alaitz Sarasola aritu izan da orain arteko ediziotan eta aurten Iker Iriartek hartuko du lekukoa. Zapiduna publikoak erabakitzen du.